Кои сме ние?
Нашата мисија и визија за подобра заедница
4 Сезони
Господе научи нѐ дните да си ѓи броиме, та со мудро срце да се здобиеме! Од рани мугри, со Својата благодат насити нѐ, за да се радуваме и да Те славиме, сѐ додека постоиме! Псалм 90: 12-14
Нашата мисија и визија за подобра заедница
Активности што ги реализираме за нашата заедница
Посети, помош во домаќинството, и емоционална поддршка за достоинствен живот на старите лица.
Специјализирана програма за образование, вештини и емоционална поддршка на самохрани родители.
Во периодот јули – декмври 2025 година, здружението „4Сезони“ продолжи со редовна поддршка на корисниците преку хуманитарна помош, едукативни и меѓугенерациски активности, теренски посети, волонтерски ангажман. Исто така здружението како и секоја година, така и оваа организираше дружења и пригодни прослави со цел јакнење на социјалната вклученост, меѓусебната поддршка и чувството на припадност кај корисниците.
Програмата опфати:
Дел од коментарите на 30 жени денес, избрани по случаен избор:
Искуства и благодарности од луѓето кои ги поддржуваме
"На 15 години во сообраќајна несреќа ги имам изгубено двете раце и едната нога до колено. Живеам со протези. Тимот на 4Сезони ми помага во пазарување и храна.- Горица, 73 години
Благодарна сум на Господ што ги имам."
"Како самохрана мајка со помош на 4Сезони завршив средно образование за возрасни што ми помогна да најдам работа и да обезбедам подобра иднина за моите 3 деца."- Наталија, 31 година
"Волонтирањето во 4 Сезони ми даде нова слика како изгледа животот со потешкотии. Секој ден учам нешто ново од постарите генерации."- Филип / FitZ, 20 години, волонтер и креатор на овој веб-сајт
"Таа тешко се движи меѓу масата и креветот, но срцето ѝ чекори слободно. Ефка Поп Гонева нè пречека со насмевка што не бара ништо и со глас што смирува. Сама е, но не и осамена. Не се жали, не мрмори – благодари. Отидовме да ѝ однесеме трошка топлина и енергија, а си заминавме со лекција. Некогаш домовите во Македонија беа токму вакви –можеби мали по простор, а луѓето, луѓето големи по душа."- Тимот на 4 Сезони
Жените зад „4Сезони"
Нашиот тим го сочинуваат четири жени (и повеќе младеи волонтери), кои во 2017 година започнаа пилот-проект посветен на пензионери со ниски примања – активни и релативно здрави луѓе кои, и покрај нивната вредност, живееја на маргините на општеството, често осамени и заборавени.
Координатор на организацијата
Жане е пролетта на тимот, секогаш насмеана, полна со живот и инспирација. Таа е извор на нови идеи и предизвици, а со посветеност го менаџира и координира тимот. Верува дека секој мал гест - топлина, добар збор или внимание во вистински момент - може да охрабри, подигне, излечи, па дури и да спаси нечиј живот. Нејзините идеи често ѓи преточува во проекти или настани и со ентузијазам учествува во нивното спроведување. Жане умее да ги поврзе луѓето (корисниците) и да создаде чувство на припадност, заедништво и сигурност.
Финансиски административен асистент
Теки е се грижи за административниот ред и финансиската документација. Таа обезбедува уредно архивирање, јасна евиденција и навремена поддршка за сите активности на здружението. Теки е тимски работник и со својата позитивна енергија, внесува ведрина но, исто така се грижи за секој поединец во групата да добие еднаква грижа и поддршка.
Одговорна за комуникации и односи со јавноста
Мери е прониклива и секогаш внимателна кон секој детал. Со своето долгогодишно искуство во информатичките науки таа, ѓи следи новите трендови и ѓи информира корисниците за новитетите и сите корисни ресурси што можат да им помогнат. Мери го пренесува духот на вредностите на здружението кон јавноста и партнерите. Нејзината смиреност и аналитичност внесуваат рамнотежа и јаснотиа во секој проект што „4Сезони“ ја споделува со заедницата.
Советник за социјална работа
Вилма е тивка но, одлучна и силна жена. Таа се грижи секој член – стар, болен или семејство во потреба – да биде сослушан, нахранет и поддржан. Нејзиниот дом секогаш е отворен за разговор и дружење со корисниците на услугите на „4Сезони“. На секое лице Вилма му приоѓа со емпатија и разбирање. Таа умее да ја препознае анксиозноста или запоставеноста на здравјето и внимателно потсетува на важноста од грижата за примарното здравје.
Младите волонтери кои се вклучуваат во работата на 4Сезони донесуваат енергија и нови идеи, додека учат од искуствата на постарите.
Организации што ни помагаат во нашата мисија
Заедно можеме да направиме разлика
